MSE
Бусад мэдээ
Үйл явдал

"СҮҮ" ХК НЬ "ХАМТРАН АЖИЛЛАЖ БУЙ СҮҮ БЭЛТГЭН НИЙЛҮҮЛЭГЧИД, ХАРИЛЦАГЧДЫГ ХУВЬЦААЖУУЛАХ ХӨТӨЛБӨР" ХЭРЭГЖҮҮЛНЭ

2021-12-10

“Сүү” ХК нь хамтран ажиллаж буй сүү бэлтгэн нийлүүлэгчид, харилцагчдад компанийн энгийн хувьцааг эзэмшүүлэхээр болсон байна.

“Сүү” ХК нь Компанийн тухай хуулийн 76 дугаар зүйлийн 76.1 дэх хэсэг, 80 дугаар зүйлийн 80.2 дахь хэсэгт нийцүүлэн гаргасан Төлөөлөн удирдах зөвлөлийн 2021 оны 12-р сарын 03-ны өдрийн хурлын №23 тоот тогтоолын дагуу “Хамтран ажиллаж буй сүү бэлтгэн нийлүүлэгчид, харилцагчдыг хувьцаажуулах хөтөлбөр”-ийг хэрэгжүүлэхээр болсон байна.

Тус хөтөлбөрийн хүрээнд нийт 500,000 ширхэг хүртэлх энгийн хувьцааны үнийн дүнг тухайн өдрийн зах зээлийн ханшаар тооцон хөтөлбөрийн болзлыг ханган компаниас гаргасан жагсаалтад багтсан хамтран ажиллаж буй сүү бэлтгэн нийлүүлэгчид, харилцагчдын дансанд байршуулах бөгөөд уг ажиллагааг 2022 оны 2 дугаар сарын 01-ний өдрийн дотор багтаан хэрэгжүүлэх юм.

МОНГОЛЫН ХӨРӨНГИЙН БИРЖ