MSE
Бусад мэдээ
Үйл явдал

“АПУ” ХК 2022 ОНЫ ЭХНИЙ ХАГАС ЖИЛИЙН ҮЙЛ АЖИЛЛАГАА, САНХҮҮГИЙН ТАЙЛАНГАА ТАНИЛЦУУЛЛАА

2022-08-10

"АПУ" ХК-ийн нийт хөрөнгийн хэмжээ 729.3 тэрбум төгрөг болж, 2021 оны эцсээс 18.1 хувиар өссөн байна.

Монголын хөрөнгийн биржийн I ангилалд бүртгэлтэй "АПУ" (APU) ХК 2022 оны эхний хагас жилийн үйл ажиллагаа, санхүүгийн үр дүнгээ танилцууллаа.

Тайлант хугацаанд:

  • "АПУ" ХК-ийн нийт хөрөнгийн хэмжээ 729.3 тэрбум төгрөг болж, 2021 оны эцсээс 18.1 хувиар өссөн байна.

  • Компанийн үйл ажиллагааны ашиг 107 тэрбум төгрөгт хүрч, өнгөрсөн оны мөн үеэс 8 хувиар өссөн бөгөөд цэвэр ашиг нь 82 тэрбум төгрөг болж, 2021 оны эхний хагас жилээс 1 хувиар нэмэгдсэн байна.

  • Борлуулалтын тоо хэмжээний хувьд, 77 сая литр бүтээгдэхүүн борлуулсан нь өнгөрсөн оны мөн үеэс 10 хувиар буурсан үзүүлэлт хэдий ч цэвэр борлуулалтын орлого нь 391 тэрбум төгрөгт хүрч, өнгөрсөн оны мөн үеэс 28 хувиар өсжээ.

  • “АПУ” ХК нь 2021 оны эхний хагас жилд 155 тэрбум төгрөгийн татвар төлсөн бол энэ оны эхний хагас жилд 167 тэрбум төгрөгийн татвар төлсөн нь 8 хувиар өссөн үзүүлэлт юм.

  • Тус компани нь 50 орчим нэр төрлийн бүтээгдэхүүнийг Польш, БНХАУ, ОХУ, БНСУ-ын зах зээлд экспортолж байна. Мөн БНХАУ-д “Inner Mongolia Aipiyou Trade LLC” борлуулалтын охин компаниа байгуулжээ.

  • “АПУ” ХК-ийн нийт хувьцааны 56.03 хувь болох 596.2 сая ширхэг хувьцааг Шунхлай Групп эзэмшиж байна.

  • Үйлдвэрлэлийн хог хаягдлын хэмжээг 30-иар бууруулж, хаягдал шил, гялгар уутыг барилгын доторлогоо, дулаалгын хөөсний үйлдвэрт нийлүүлж байгаа бол органик түүхий эдийнхээ үлдэгдлийг фермер болон тэжээлийн үйлдвэрүүдэд илгээж байна.

Та бүхэн "АПУ" ХК-ийн 2022 оны эхний хагас жилийн тайлангийн танилцуулгыг энд дарж үзнэ үү.

МОНГОЛЫН ХӨРӨНГИЙН БИРЖ